8:38 | 1 November 2015
Koreya shifokorlari Farg‘onada aholini tibbiy ko‘rikdan o‘tkazadi
Janubiy Koreyaning Vision Care Service xalqaro tashkiloti shifokorlaridan iborat delegatsiya 1—6-noyabr kunlari O‘zbekistonda bo‘ladi. Bu haqda “Sog‘lom avlod uchun” jamg‘armasi matbuot xizmati ma’lum qildi, deya xabar beradi UzDaily.
Tashrif doirasida 800 dan ziyod kishiga tashhis qo‘yish, 100 kishiga kataraktani olib tashlash va ko‘z gavharini almashtirishdan iborat tibbiy amaliyotlar o‘tkazish, mahalliy oftalmolog-shifokorlarga mahorat saboqlari berilishi ko‘zda tutilgan.
Mazkur gumanitar tadbirlar Farg‘ona shahrida, viloyat ko‘z kasalliklari kasalxonasida o‘tkazilishi rejalashtirilgan.
