Markazlashgan Respublika Ta'minot Bazasi

14:11 | 27 November 2015

Ислом Каримов Жазоир элчисидан ишонч ёрлиғини қабул қилиб олди

Ўзбекистон Республикаси Президенти Ислом Каримов шу йилнинг 26 июнь куни Жазоир Халқ Деморактик Республикасининг мамлакатимиздаги Фавқулодда ва мухтор элчиси этиб тайинланган Носир Бушеритдан ишонч ёрлиғини қабул қилиб олди.
Давлатимиз раҳбари мамлакатимиздаги дипломатик ваколатхонанинг янги тайинланган раҳбарини самимий қутлар экан, Ўзбекистон Жазоир билан ўзаро муносабатларни янада ривожлантиришга алоҳида аҳамият бераётганини таъкидлади ва элчининг шарафли ҳамда масъулиятли фаолиятига муваффақият тилади.
Ўзбекистон Жазоирга Шимолий Африкадаги энг муҳим ташқи сиёсий шериклардан бири, деб қарайди. Суҳбат чоғида мамлакатларимиз ўзаро манфаатли савдони ривожлантириш, инвестициявий ҳамкорликни чуқурлаштириш, маданий-гуманитар ва бошқа соҳалардаги алоқаларни янада кенгайтириш учун катта салоҳиятга эга экани қайд этилди.
Жазоир элчиси икки мамлакат халқларини тарихий, маданий ва маънавий муштарак алоқалар боғлаб туришини таъкидлади ва давлатларимиз ўртасидаги муносабатларни мустаҳкамлашга муносиб хизмат қилишни ўзи учун улкан шараф, деб билишини қайд этди.
26 ноябрь куни “Miran International Hotel” мехмонхонасида “Жазоир билан дўстлик” Ассоциациясини ташкил этишга бағишланган таъсис мажлиси бўлиб ўтди.
Жазоир Халқ Деморактик Республикасининг Ўзбекистондаги Фавқулодда ва мухтор элчиси Носир Бушерит ўзининг табрик нутқида 9 ойдан бери Ўзбекистонда эканини, юртимизнинг чиройли ва гўзаллигини айтар экан, бегона юртда эмас, худди ўз уйидек хис қилаётганини таъкидлади. “Мехмондўст шундай халқ орасида эканлигимдан хурсандман” деди элчи. У ўз сўзида шу давр мабойнида кўплаб ўзбекистонликлар билан учрашганини, ўтган асрнинг 60-70 йилларида Жазоирда хизмат қилган ўзбекистонликлар сухбат давомида “Жазоир дўстлари” деб номланган уюшма тузиш таклифи билан чиққанликларини маълум қилди. “Бу таклиф элчихона ва Ўзбекистон ташқи ишлар вазирлиги томонидан қўллаб-қувватланди. Уюшма икки томонлама алоқаларнинг ривожланишига хизмат қилади”, деди Носир Бушерит. У ўз сўзида “Ўтган асрнинг 70 йилларида хамкорлик алоқалари йўлга қўйилган экан, бу алоқаларни 2015 йилда хам амалга ошириш мумкин” деди. Элчининг фикрича, бунинг учун имконият ҳам, ҳоҳиш хам бор.
Шундан сўнг Жазоирда мехнат қилган бир гурух ўзбекистонликлар мазкур мамлакат ва у ерда ўтказган дамлари борасида ўз таассуротлари билан ўртоқлашдилар. Жазоир ва ёшлик дамларини соғинишларини айтишди. Таниқли мўйқалам устаси Жавлон Умарбеков Жазоирга бағишланган асарларининг яратилиши хақида, кинорежиссёр Ғиёс Шермухаммедов эса икки мамлакат киноусталари томонидан яратилган “Суғдиёна”, “Буюк Турон” бадиий фильмларининг суратга олиниш жараёнлари хақида гапириб беришди.

Manba Kun.uz

14:09 |

Тошкент шаҳрида навбатдаги иситиш мавсумига тайёргарлик ишлари ниҳоясига етди

Тошкент шаҳар ҳокимлигида “Тошиссиққуввати” ИЧБ унитар корхонаси иштирокида матбуот анжумани бўлиб ўтди. Унда корхона раҳбари Фарҳод Ҳамидхонов жорий куз-қиш мавсумига қандай тайёргарлик кўрилгани тўғрисида маълумот берди.

Унинг сўзларига кўра, иситиш мавсуми бошлангунга қадар 19та қозон таъмирдан чиқарилган, 481 та маҳаллий қозонхона ҳамда 61та насос жорий таъмир қилинган. Шунингдек, магистлар ва тақсимловчи қувурларнинг 449 километри таъмирдан чиқарилди, хусусан, 30 километрлик қувурлар қайта ётқизилган, 92 километрда изоляция тикланган.

“Тошиссиққуввати” ИЧБ УК тасарруфида жами 170та қозонхона мавжуд бўлиб, уларнинг 3таси марказий (2-ИМ, “Сувсоз”, “Саноатэнерго”), 116таси локал ва 51таси модул типидаги автоматик тарзда ишловчи қозонхоналардир.

Матбуот анжуманида Тошкент шаҳрида жами 13149та бино, шу жумладан, 9141та кўп қаватли уй иссиқлик тармоқларига улангани айтиб ўтилди.

Manba Kun.uz

14:05 |

Қамчиқ довонида табиий ҳодисаларни кузатиш тизими ишга тушади

2016 йилдан Фарғона водийсидаги Қамчиқ довонида хавфли табиат ҳодисаларини мониторинг ва кузатиш учун янги тизим ишга туширилади. 25 ноябрь куни БМТнинг Ўзбекистондаги доимий координатори Стефан Приснер ҳамда Европа Комиссиясининг Марказий Осиё ва шарқ мамлакатларига инсонпарварлик ёрдами ва фуқаро ҳимояси бўйича минтақавий идораси (DG-ECHO) раҳбари Карлос Афосон тизимни ишга туширишга тайёргарлик ишларини кўздан кечирди.

Gazeta.uz интернет нашрининг хабар беришича, Қамчиқ довонининг географик жойлашуви хусусиятига кўра ер кўчиши, тош қулашлари ва кўчкилар содир бўлиши хавфи юқори ҳисобланиб, ҳаракат хавфсизлигини таъминлаш учун кузатув пунктларини доимий равишда янгилаб, техник қайта қуроллантириб туришни тақозо этади. Ўзбекистонда хавфли табиат ҳодисалари устидан мониторинг ва кузатиш тизимини такомиллаштиришга инновацион ёндашув БМТ ТД томонидан ЕКнинг Инсонпарварлик ёрдами ва фуқаро ҳимояси департаментининг Офатларга тайёргарлик кўриш дастурининг молиявий кўмагида амалга ошириш таклиф қилинган эди.

Яқиндагина ишга туширилган “Қамчиқ довонида табиий офатлар хавфини бошқариш” лойиҳаси мақсад ва вазифаларида техник таъминот ҳамда фавқулодда вазиятларда хавфсизлик ва хатти-ҳаракатлар қоидалари ҳақида аҳолини хабардорлигини оширишга кўмаклашиш масалалари кўриб чиқилади.
БМТ ТДнинг Тошкентдаги ваколатхонаси хабарига кўра, сўнгги авлод камералари 60 даража совуқ ва 70 даражагача иссиқ об-ҳаво шароитида ҳам атрофни 360 даражада тасвирга тушириб, тунги вақтларда ҳам кузатув олиб боради.

Лойиҳа доирасида ўрнатилган видеоконференцалоқа тизимлари онлайн режимда ФВВ инқироз вазиятларини бошқариш марказининг Тошкентга тасвирларни трансляция қилиш имконини беради. Бу теўкор қарорларни қабул қилиш зарурияти туғилганида вақтни тежашга ва фавқулодда вазиятларда ўз вақтида ёрдам кўрсатиш имкониятини тақдим этади.

Шунингдек, лойиҳа доирасида ФВВ мобиль иловасига «SOS» функцияси ҳам киритилиб, мутахассисларга ҳодиса жойини аниқлаш ва биринчи кўмак кўрсатиш учун бу ҳақда мутахассисларга маълумот юборади. Бундан ташқари, мунтазам раившда довон яқини (Тошкент ва Наманган вилоятлари) истиқомат қилувчи аҳоли тайёргарлиги бўйича комплекс ишлар олиб борилади.

Manba Kun.uz

9:49 | 13 November 2015

Jismoniy shaxslar daromadlariga soliq stavkasi ikkinchi shkala bo‘yicha 7,5 foizgacha kamaytiriladi

Kelasi yilda soliq solishning ikkinchi shkalasi (eng kam ish haqining bir barobaridan (+1 so‘m) besh barobarigacha) bo‘yicha jismoniy shaxslar daromadlariga soliq stavkasini 8,5 foizdan 7,5 foizgacha kamaytirish rejalashtirilmoqda. Bu O‘zbekiston davlat budjeti parametrlarida ko‘zda tutilgan, Bu haqda “Daryo” nashri xabar beradi.

Shu bilan bir vaqtda, fuqarolarning Moliya vazirligi qoshidagi budjetdan tashqari Pensiya jamg‘armasiga majburiy sug‘urta to‘lovlari stavkasini 7 foizdan 7,5 foizgacha oshirish taklif etilmoqda.

Eslatib o‘tamiz, 11-noyabr kuni O‘zbekiston Respublikasi Oliy Majlisi Qonunchilik palatasining navbatdagi majlisi bo‘lib o‘tdi. Unda deputatlar O‘zbekiston Respublikasining 2016-yilgi Davlat budjeti va davlat maqsadli jamg‘armalari budjetlari, shuningdek, soliq va budjet siyosatining asosiy yo‘nalishlari loyihalariniko‘rib chiqdi.

9:46 |

Oliy Majlis Qonunchilik palatasi majlisida “Elektron hukumat to‘g‘risida”gi va boshqa qonun loyihalari ko‘rib chiqildi

O‘zbekiston Respublikasi Oliy Majlisi Qonunchilik palatasining navbatdagi majlisi bo‘lib o‘tdi. Unda deputatlar bir qator qonun loyihalarini ko‘rib chiqdi. Bu haqda “Daryo” nashri xabar beradi.

Parlament quyi palatasi a’zolari “Elektron hukumat to‘g‘risida”gi O‘zbekiston Respublikasi qonuni loyihasini birinchi o‘qishda ko‘rib chiqdi. Muhokama jarayonida mazkur qonunning qabul qilinishi “elektron hukumat” tizimini joriy etishning asosiy yo‘nalishlarini aniq belgilash, davlat boshqaruvi organlari faoliyatining samaradorligi, shaffofligi va ochiqligi darajasini oshirishga ko‘maklashishi ta’kidlandi. Unda elektron hukumat tizimlarini rivojlantirishda sezilarli natijalarga erishgan AQSh, Germaniya, Avstriya, Koreya Respublikasining tajribasi hisobga olingan.

Deputatlar Xo‘jalik protsessual kodeksi, Budjet kodeksi, shuningdek, «Sud hujjatlari va boshqa organlar hujjatlarini ijro etish to‘g‘risida»gi Qonunga o‘zgartish va qo‘shimchalar kiritishni nazarda tutuvchi qonun loyihasini ko‘rib chiqdi. Ushbu sohani huquqiy tartibga solishni yanada takomillashtirish maqsadida qonun loyihasida ijro varaqasi yoki ijro hujjati kuchiga ham ega bo‘lgan sud buyrug‘ini sudyaning raqamli elektron imzosi bilan tasdiqlangan elektron hujjat tarzida yuborish nazarda tutilmoqda. Qonun loyihasining qabul qilinishi sud ishlarini yuritish tezkorligini oshirish, sud xarajatlari, ijro hujjatining ijroga qaratilishi vaqti qisqartirilishi, shuningdek, AKT qo‘llanilishining kengayishiga ko‘maklashadi.

Majlis davomida deputatlar O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risidagi bir qator qonun loyihalarini ham ko‘rib chiqdi.