Poytaxt ko‘chalarida “Tezkor aloqa” deb nomlangan apelsin rangidagi ustunlar paydo bo‘lganiga ancha bo‘ldi, biroq uning nima maqsadda o‘rnatilganini tushunmayotganlar hozir ham topiladi. VOT mazkur qurilma haqidagi savollarga javob topishga harakat qildi. ^[1]

Poytaxtda o‘rnatilgan ustunlar favqulodda aloqa tizimi bo‘lib, jamoat joylarida xavfsizlikni ta’minlash, shuningdek, favqulodda yoki yo‘l-transport hodisalari chog‘ida fuqarolarga ortiqcha urinishlarsiz, istalgan payt yordam so‘rab, murojaat etish imkonini beradi. Buning uchun qurilmadagi tugmani bosib, dispetcher savollariga javob berish kifoya.

Mazkur tizim fuqaro favqulodda xizmatlar yoki dispetcher bilan kerakli axborot olish uchun tezkor bog‘lanishini ta’minlaydigan jihozlar (terminal, mikrofon, diktofon) va dasturiy ta’minot majmuidan iborat. Undan ma’lumotlarni qayta ishlash serveri va dispetcherlik pulti ham o‘rin olgan.

Ta’kidlashicha, qurilma allaqachon ish holatida bo‘lib, undan bunga ehtiyoji bo‘lgan barcha fuqarolar foydalanishi mumkin.